Coñecemos Santiso en coche

Santiso, é un Concello disperso ao igual que moitos en Galícia. Esta característica fai que teñamos que buscar a maneira de que veciños e turistas que nos visitan a diario poidan aproveitar o noso patrimonio natural e arquitectónico.
Creamos esta ruta para que en tres horas poidas coñecer o máis importante de Santiso, iso si, escollemos o patrimonio ao cal podemos chegar en coche.

Unha ferramenta nova coa que fomentamos o turismo neste municipio.

Os pasos a seguir son:
1- Descargar a APP «wikiloc» para o teu teléfono premendo AQUÍ

2- Acceder a esta ruta premendo AQUÍ

Información da ruta:

-km 0: Saída e chegada, Área recreativa de Barazón e Choren

-km 1: Pegado ao Rio chegamos ao Muíño da Laxe, tamén coñecido como Muíño do Mato.

-km 4: Neste punto, é imprescindible tomar un descanso nos Muíños Enmeigados. Desde alí mesmo podemos ir camiñando até o punto onde se xuntan as 3 provincias.

-km 7,5 até o 8: No monte de Barazón, atopamos a Santolina Melidense. Cando chegamos á aldea de Reboredo, podemos ver o Ídolo de Reboredo.

-km 10,5: Neste punto, podemos acceder a pista que nos leva a Cheminea dos Mouros, ao Xacemento e a Presa de Pita.

-km 11.5: Unha pista ao longo do Río Furelos fainos gozar da beleza do entorno dun río Galego.

-km 14: Collemos aquí unha estrada que nos achegará ao Hórreo de Quinzán, o patrimonio de San benito, á Fonte de Nosa Señora de Novela e ó Pazo de Liñares.

-km 22,7: Podemos coller a estrada que nos leva á parroquia de San Román e ir ver o Petroglifo que leva o nome desta parroquia.

-km 27,7: Chegamos a unha das partes máis fermosas desta ruta. Un pequeno sendeiro ao longo do regato que da nome aos Muíños do Tajo. Neste punto tamén podemos subir até a aldea do Ribeiro, onde atopamos as ruínas do Pazo de Ribeiro e as Mámoas do mesmo nome.

-km 30: Na aldea de Seoane, podemos tomar un descanso e repoñer forzas nos locais de hostalería e na área de descanso pegada a estrada. Seguindo a ruta pasamos ao lado do Pazo de Vilar de Ferreiros, se coincide con nivel baixo do encoro podemos ver a Ponte de Busel, oculta boa parte do ano polas augas do encoro de Portodemouros. Antes de coller a estrada xeral, atopamos á esquerda da nosa ruta o pequeno Muíño do Rego das Cabras.

-km 36,5: Chegados a este punto da ruta, podemos coller a pista que nos leva a Fonte Santa de Belmil. Unha fonte con historia en proceso de conservación.

-km 40,5: Imprescindible seguir a ruta marcada para chegar á aldea de Sanxurxo, desde a que seguiremos ao longo do río para chegar a Mourazos e se o nivel da auga o permite poder ver a inscrición medieval de Mourazos.

-km 45: Nos meses de verán, está aberto o Bar da Cornella. En calquera época do ano poderemos facer un descanso á beira do Río Ulla.

-km 48: A Pontenova, que lle da o nome ao Chanto e á Ponte Isabelina. Seguindo pola estrada vella pasamos ao lado dun pequeno lavadoiro na aldea de Chorén, chegando xa ao remate da nosa ruta.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp