O Concello de Santiso pon en marcha o programa «Adestra a túa saúde», unha iniciativa da Xunta de Galicia que ten como obxectivo fomentar o exercicio e o benestar das persoas maiores de 60 anos mediante a práctica regular de actividade física.
A través deste programa, as persoas sedentarias de máis de 60 anos serán derivadas dende o centro de saúde ao promotor deportivo municipal. Este realizará unha avaliación individualizada do seu estado físico e elaborará un plan de exercicio personalizado, adaptado ás necesidades e capacidades de cada persoa participante e atendendo ás instalacións e recursos existentes no municipio.
O seguimiento dos participantes realizarase durante nove meses coa idea de incorporar o exercicio físico aos seus hábitos cotiáns.
O promotor deportivo atenderá as persoas participantes no programa nas instalacións do concello e as citas fixaranse só dende o centro de saúde, polo que o Concello de Santiso recomenda consultar co médico de familia no caso de algunha persoa queira beneficiarse do programa.
Con esta iniciativa pretendese promover un estilo de vida máis saudable.
