Cultura - Concello de Santiso
O Concello conta cun departamento de cultura, que se encarga de dinamizar de forma lúdica e educativa o tempo libre e de lecer dos nosos veciños e veciñas, facendo posible unha participación activa entre eles.
A través deste departamento lévase a cabo a planificación e execución dos programas de actividades culturais, que inclúen, entre outras, as actividades extraescolares ofertadas, eventos e actividades pensadas para os nosos maiores, así coma atender calquera actuación cultural que poida surxir de veciños/as, asociacións ou doutras institucións.
Santiso é un concello rico en cultura, conta coa Banda Escola de Música de Visantoña, coa Coral Polifónica de Santiso, co grupo de teatro de Santiso “Os chaos da Balada”, con varios grupos de música tradicional entre os que destacan os Gaiteiros da Ponte e Fol da Chousa, a charanga Os amigos de Visantoña e varias asociacións culturais coas que colabora o concello e que organizan numerosos eventos, obradoiros, cursos e actuacións para o goce dos seus veciños/as.
Todos estes programas desenvólvense nas diferentes instalacións coas que contamos, entre elas destacamos o novo centro cultural, situado en Visantoña e o local do antigo concello, en Arcediago, no que está situada a axencia de lectura.
